10th Ke Baad Kya Karen In Hindi

What To Do After 10th Class

 

10th class me hi sabhi apne career ko lekar chintit hone lagte hain. Unhe pata nahi hota ki aage kis disha me jaana behtar rahega. Koi toh sahi raasta chunkar apna future bana leta hai but koi galat raasta chunkar future kharab kar lete hain. Iss post me aapko janne ko milega ki aap 10th ke baad kya kya kar sakte hain aur kon kon se raaste aapke liye 10th ke baad khul jaate hain.

 How To Choose Stream After 10th

Agar aapki 10th complete ho gayi hai to ab tak apne soch to liya hoga ki aapko future me kya banna hai, usi ke hisaab se aapko stream chunni hogi. Agar aapne abhi tak socha hi nahi hai ki aapko banna kya hai to aap pehle sochiye ki aapko kya banna chahiye.

     10th ke baad aapko 3 streams me se ek ko chunna hota hai. Wo teen streams ye hain

1. Science Stream     a. PCM (Physics, Chemistry, Maths)     b. PCB (Physics, Chemistry, Biology)   2. Commerce Stream 3. Arts Stream

Science Stream After 10th

 

Science Stream me aapko 2 option milte hain ek hai PCM aur dusra PCB. Science stream se 12th karne ke baad aapke Medical Field, Engineering, Management aur bhi kayi saare field me career bana sakte hain. Agar aap medical field yaani Doctor, Nurses, Chemist etc. banna chahte ho to aapko PCB lena hoga kyunki medical field me Biology ki knowledge honi jaruri hai. Aur agar aap engineering karna chahte ho to aapko PCM lena chahiye. 

Note: Science wale students aage chalkar arts aur commerce ke courses bhi ar sakte hain. To ye keh sakte hain ki science stream commerce or arts ka baap hai.

Commerce Stream

 

Agar aap banking ya accounting ki field me career banana chahte hain to aapko commerce lena chahiye. Commerce stream se 12th karne ke baad aap BBA, BBM, BCom, CA, CS etc courses kar sakte hain. Commerce me bhi aapko 2 option milte hain ek with Maths or Without Maths. Main aapse kkehna chahunga ki agar aap Maths kar paate hain toh aapko with Maths hi choose karna chahiye kyonki jyadatar badi universities me acchhe course ke liye BCom with Maths jaroori hai.

Note: Commerce wale students aage chalkar arts wale course bhi kar sakte hain 

Arts Stream

 

Agar  aap arts stream chunte hain to aap aage chalkar science ya commerce wale courses nahi kar sakte. Par arts ko aapko halke me nahi lena chahiye. Agar aap IAS, PCS, SSC, ya aur bhi koi sarkari job karna chahte hain to aapke liye arts se behtar koi dusra option hi nahi hai. Arts me aapko Hindi, Sanskrit, English, Political Science, Geography, History jaise kayi subjects milte hain. 

Final Note: Na science jyada badhiya hai aur na hi arts aur commerce kharab hai. Teeno best hain. Ye baat aap par depend karti hai ki aap aage chalkar kya banna chahte hain aur usi hisaab se apni stream chuniye.

Agar aapka koi sawal hai to neeche comment box me likh dijiye aapko jawab jarur milega.